САД: „Волмарт“ лансира четири нови виртуелни продавници

Во пресрет на празниците „Волмарт“ лансира четири нови виртуелни продавници во рамките на својата платформа „Волмарт реалм“.

Од компанијата соопштуваат дека секоја од продавниците има посебна „тема“ која е инспирирана од трендовите на социјалните мрежи „Пинтерест“ и „ТикТок“, како што се „празничната колиба“ и „најслаткиот подарок“.

Секој виртуелен простор содржи изложени артикли како и содржина која ја е подготвена од познати американски инфлуенсери. Потрошувачите ќе имаат можност со кликање на изложените артикли да пробаат како производот би изгледал во нивниот дом.

Дополнително на тоа, компанијата ја претстави и „листата на желби“ која на купувачите им овозможува да креираат своја листа на желби и да ги споделат со своите семејства и пријатели.

„Волмарт“ реалм“ беше покрената годинава и содржи три различни простори, покрај тоа компанијата во текот на летото претстави и нови продавници во кој беше вклучена и продавницата инспирирана од враќањето во училишните клупи.

Извор: „Ритејл дајв“

Фото: „Волмарт“