Полска: „Ошан“ започна со изградба на роботизиран дистрибутивен центар

Компанијата „Ошан“ соопшти дека започна со изградба на нов, целосно роботизиран дистрибутивен центар во Вилколак, Полска.

Дистрибутивниот центар ќе ја користи технологијата на британската компанија „Окадо“, која се потпира на вештачка интелигенција и машинско учење и ќе придонесе за поголема достапност на производите во онлајн продавницата на на компанијата, побрзо време на испорака и поголема прецизност и намалување на шансите за грешка во процесот на пакување и испорака.

Покрај тоа, оваа технологија ќе му овозможи на компанијата подобро да управува со нарачките на начин што ќе го намали бројот на патувања и ќе ги оптимизира транспортните рути, што ќе резултира со намалување на емисиите на CO2. Од компанијата најавија и дека објектот ќе има „Брееам“сертификат.

Центарот, со капацитет од 40.000 артикли, ќе има и посебна површина од 16.000 метри квадратни за складирање на свежи и замрзнати производи.

Можеме со сигурност да кажеме дека овој технолошки напреден дистрибутивен центар ќе претставува вистинска револуција на полскиот пазар, особено кога станува збор за иновативни решенија кои овозможуваат оптимизација на подигање нарачки и управување со логистиката во последната милја. Развојот на е-бизнисот е една од нашите стратешки цели, поради што инвестираме во најиновативните технологии во нашата индустрија, изјави Пјотр Допиерала, директор за синџир на снабдување и логистика во „Ошан реитејл“ – Полска.   

Завршувањето на изградбата се очекува во вториот квартал на 2025 година, соопштија од компанијата.

Извор: InStore.rs

Фото: „Ошан“ – Полска