Русија: „Х5 група“ отвори нов дистрибутивен центар

Групацијата „Х5 група“ го најави отворањето на новиот дистрибутивен центар „Чизик“ во Саратов, кој по постигнување максимален капацитет ќе опслужува околу 200 продавници низ земјата.

Дистрибутивниот центар, кој се простира на површина од 14.000 метри квадратни, има капацитет за дистрибуција  до 1.000 тони производи дневно.

Центарот прима и препраќа производи од повеќе од 300 добавувачи на различни категории на производи, овошје и зеленчук, замрзната риба и алкохол.

Компанијата во наредниот период ќе ангажира до 150 работници за работа во новиот центар, а планирана е и набавка на 60 парчиња опрема. Центарот е опремен и со систем за управување со магацин, кој ќе го поедностави управувањето со стоката и логистичките процеси, се вели во соопштението на компанијата.

Првата продавница на „Чизик“ во Саратовската област беше отворена во јуни 2023 година. Од јули 2024 година, ланецот имаше 63 продавници во овој регион, како и шест дистрибутивни центри.

Од компанијата додаваат дека до крајот на годинава се планира отворање на дополнителни пет дистрибутивни центри во регионите каде што работи трговскиот синџир.

Извор: InStore.rs

Фото: Pexels