Швајцарија: „Лидл“ ги претстави одржливите пакувањa за своите органски сирења

„Лидл“ во Швајцарија  ја претстави амбалажата со целулозна фолија за својата палета на органски сирења.

Во партнерство со млекарницата „Хардегер касе“, компанијата ја заменува традиционалната пластична амбалажа со еколошка.

Новото пакување од целулоза, во кое се сместени популарните органски сирења Alpstein и Usserrhödler, е направено од рециклирано дрво од шумите со сертификат „FSC“. Во производството на амбалажата не се вклучени фосилни горива, додека самото пакување ефективно го зачувува вкусот на сирењето и обезбедува безбедност на храната.

Новото пакување е првично достапно во повеќе од 100 продавници на „Лидл“, пред се во германското говорно подрачје на Швајцарија и кантонот Тичино.

Инаку, „Лидл“ - Швајцарија работи со цел до 2025 година да ја намали употребата на пластика во производите со приватна етикета за 30%. Оваа цел е практично постигната, бидејќи трговецот на мало веќе евидентира повеќе од 25% рециклиран материјал инкорпориран во сите пакувања од нивната палета на производи. Клучна пресвртница беше префрлањето на 100% рециклирани ПЕТ шишиња за нивната вода Saguaro, заштедувајќи приближно 157 тони пластика годишно.

Извор: essmagazine