„Амазон“ ја отвори првата продавница во која ќе се плаќа со дланка

Во продавницата на „Амазон“ во Белви ќе може да се изврши плаќање со поставување на дланката над посебен скенер, без потреба од користење готовина, картичка или мобилно плаќање.

„Амазон“ е пионер во интернет трговијата која на милиони луѓе им ги отвори вратите за он-лајн шопинг, а последните години компанијата развива технологија со која сака да го промени и искуството на купување во физички продавници. Така, веќе отворија повеќе продавници во кои сакаат да го променат и искуството на купување и во физичките продавници.

Станува збор за продавници во кои нема каси и во кои купувачите после пријавата со своите податоци можат да си земат производи од полица и да си излезат без класично плаќање. Наместо тоа, камерите и сензорите следат се што купуваат и по излегувањето од продавницата парите за купените производи се одбиваат од нивната сметка поврзана со профил на „Амазон“. 

Технолошкиот гигант сега сака да го смени и начинот на кој се купува во класичните продавници и за неделава го најавија отворањето на првата продавница во градот Белви во која ќе може да се користи нивната технологија Just Walk Out. Таа технологија, слично како и продавниците без каси, ќе им овозможат на купувачите брз шопинг и излегување од продавница без чекање во редици, при што сметката може да се плати со скенирање на дланка.

Како што се пофалија од „Амазон“, досегашните тестирања се покажале фантастични и купувачите биле одушевени од технологијата која им штеди време, но и ги намалува контактите со други луѓе, што на многумина им е битно во оваа пандемиска доба.