Казна за „Алибаба“ од 2,8 милијарди долари

Кинеските власти му изрекоа глоба од 18,2 милијарди јуани (2,78 милијарди американски долари) на кинескиот гигант за електронска трговија „Алибаба“ за злоупотреба на доминацијата на пазарот, објавија кинеските медиуми.

Казната е резултат на истрагата против „Алибаба“ во декември минатата година. 

Власта во Кина ја засили контролата над најголемите кинески интернет компании и компании за онлајн трговија и ги предупреди да не ја користат својата доминација во овој сектор за да ја задушат конкуренцијата.

„Алибаба“ е најголемата светска компанија за трговија преку интернет во однос на продажба на стоки преку своите платформи.

Акциите на компанијата паднаа вчера за 2,16% на 223,31 долари по акција.