„X5 ритеил“ е најуспешен е-трговец во Русија

„X5 ритеил“ се покажа како најпопуларен е-трговец во Русија за време на пандемијата. Минатата година компанијата генерираше речиси 22 милијарди рубли (245 милиони евра) промет преку интернет-каналот.

Од вкупниот промет, групацијата реализира 170 милиони евра преку е-хипермаркетот vprok.ru и 75 милиони евра преку е-продавниците на „Питерочка“ и „Перекресток“. Во 2020 година гурпацијата „X5 ритеил“ ја зголеми интернет-продажбата за 347 проценти.

Воодушевени сме од забележителниот пораст во текот на минатата година и убедени сме дека одиме во вистинската насока, изјави генералниот директор Игор Шехтерман, коментирајќи ги остварените 7,9 милиони испораки.

„X5 ритеил“ ги нуди услугите на е-трговија во 21 руски регион.