
Приходите на „Кока-Кола ХБЦ“ пораснаа органски за 9 отсто во третиот квартал, а обемот на продажбата за 5,4 отсто.
InStore.mk e онлајн поддршка на магазинот InStore, месечен магазин за трговија со стока за широка потрошувачка.
Магазинот во С.Македонија се издава од 2011 година, првично како самостоен проект на Кликер Маркетинг, под називот Target, а подоцна како дел од регионалното издание InStore, со канцеларии во Белград, Љубљана, Загреб, Сараево, Скопје и во Подгорица.
InStore е единствениот B2B трејд магазин во С.Македонија и се дистрибуира до целната група: трговци, произведувачи, дистрибутери и придружната индустрија. Магазинот го нема во слободна продажба. Секој заинтересиран може да се претплати на истиот.
Доколку работите во FMCG-секторот и сакате да го добивате InStore на вашата поштенска адреса, пополнете го формуларот и ќе ве контактираме. Полињата се задолжителни. Податоците се за интерна база и нема да бидат употребени за други цели.
Приходите на компанијата „Кока-Кола ХБЦ“ во третиот квартал пораснаа за 9,0 отсто органски и за 9,6 отсто пријавено, на 3,5 милијарди евра, додека обемот на продажбата се зголеми за 5,4 отсто.
По категории, обемот на продажбата на газираните пијалаци порасна за 4,5 отсто, при што брендот Coke забележа раст со средни едноцифрени стапки, со поддршка на активациите поврзани со Светското првенство на ФИФА во текот на јули.
Обемот на продажбата на енергетските пијалаци се зголеми за 24,7 отсто, продажбата на кафе во ХОРЕКА-каналот порасна за 10,1 отсто, додека обемот на продажбата во категоријата негазирани пијалаци се зголеми за 3,2 отсто.
Органските приходи по пакување пораснаа за 3,4 отсто.
Развиените пазари бележат раст на приходите од 8,0 отсто органски и 8,1 отсто пријавено. Приходите на пазарите во развој се зголемија за 8,7 отсто органски и 9,7 отсто пријавено, со позитивен ефект од движењето на курсот на унгарската форинта, додека приходите на пазарите во настанување пораснаа за 9,8 отсто органски и 10,5 отсто пријавено, со позитивно влијание од движењето на курсот на нигериската наира.
Во Србија, обемот на продажбата, без работењето на компанијата „Бамби“, порасна со високи едноцифрени стапки. Обемот на продажбата на газираните пијалаци се зголеми со високи едноцифрени стапки, додека енергетските пијалаци пораснаа за околу 15 отсто. Категоријата негазирани пијалаци забележа раст со ниски двоцифрени стапки, пред сè благодарение на добрите резултати во сегментот вода. Обемот на продажбата во секторот грицки на компанијата „Бамби“ порасна со ниски двоцифрени стапки.
„Задоволни сме што остваривме уште еден силен квартал, со органски раст на приходите од 9,0 отсто. Ваквиот резултат е поддржан со доследното спроведување на нашата стратегија, што доведе до широко заснован раст на обемот на продажбата низ нашето 24/7 портфолио. Преку иновации, атрактивни активации на брендовите и силна реализација во текот на важниот летен период, продолживме да ги користиме можностите за раст на сите пазари. Овие активности, заедно со континуираните вложувања во портфолиото и специјализираните деловни способности, придонесуваат за стабилноста на нашите резултати и за континуираниот раст на пазарното учество. И покрај неизвесното и динамично макроекономско опкружување, во завршниот квартал од годината влегуваме добро позиционирани за остварување на годишните цели. Им благодарам на нашите тимови, купувачи, на компанијата „Кока-Кола“ и на сите партнери за континуираната посветеност и поддршка“, порача Зоран Богдановиќ, извршен директор на компанијата „Кока-Кола ХБЦ АГ“.
Фото: INSTORE