
По повод Светскиот ден на детето, „Бимилк“ и СОС Детско село Македонија одбележаа една деценија партнерство, кое ќе продолжи и во 2027 година.
InStore.mk e онлајн поддршка на магазинот InStore, месечен магазин за трговија со стока за широка потрошувачка.
Магазинот во С.Македонија се издава од 2011 година, првично како самостоен проект на Кликер Маркетинг, под називот Target, а подоцна како дел од регионалното издание InStore, со канцеларии во Белград, Љубљана, Загреб, Сараево, Скопје и во Подгорица.
InStore е единствениот B2B трејд магазин во С.Македонија и се дистрибуира до целната група: трговци, произведувачи, дистрибутери и придружната индустрија. Магазинот го нема во слободна продажба. Секој заинтересиран може да се претплати на истиот.
Доколку работите во FMCG-секторот и сакате да го добивате InStore на вашата поштенска адреса, пополнете го формуларот и ќе ве контактираме. Полињата се задолжителни. Податоците се за интерна база и нема да бидат употребени за други цели.
Млекарската компанија „Бимилк“ и СОС Детско село Македонија го искористија Светскиот ден на детето, 20 ноември, за да одбележат десет години заедничка работа во поддршка на децата и младите без родителска грижа и на згрижувачките семејства.
Соработката започнала во 2016 година, кога „Бимилк“ почнал во текот на целата година да донира млеко од „Битолска млекара“ за децата што ги поддржува СОС Детско село.
Во 2023 година, под мотото „Растеме заедно“, соработката прерасна во стратешко партнерство, при што на донациите на млечни производи им се придружи и редовна месечна финансиска поддршка.
Полексена Јанкуловска, регионален менаџер за маркетинг во „Бимилк“, истакна дека „секое дете заслужува дом во кој се чувствува сакано“, а згрижувачките семејства го овозможуваат тоа, поради што компанијата смета дека нивната поддршка е дел од нејзината одговорност. Според неа, довербата во партнерството со годините само расте, а заедничката мисија ќе продолжи и во 2027 година.
Од СОС Детско село Македонија посочуваат дека грижата за дете бара секојдневна посветеност и долгорочно планирање, а континуираната поддршка од „Бимилк“ им овозможува со поголема сигурност да ја планираат грижата за децата и згрижувачките семејства. Двете организации, велат, ја делат целта секое дете да има стабилна средина во која ќе расте и ќе верува во своите можности.