
На годинешната листа од 500 најголеми компании во Средна Европа, објавена од „Делоит“, се најде само една компанија од Македонија, а од Јадранскиот Регион на највисокото место е хрватската компанија „Агрокор“.
InStore.mk e онлајн поддршка на магазинот InStore, месечен магазин за трговија со стока за широка потрошувачка.
Магазинот во С.Македонија се издава од 2011 година, првично како самостоен проект на Кликер Маркетинг, под називот Target, а подоцна како дел од регионалното издание InStore, со канцеларии во Белград, Љубљана, Загреб, Сараево, Скопје и во Подгорица.
InStore е единствениот B2B трејд магазин во С.Македонија и се дистрибуира до целната група: трговци, произведувачи, дистрибутери и придружната индустрија. Магазинот го нема во слободна продажба. Секој заинтересиран може да се претплати на истиот.
Доколку работите во FMCG-секторот и сакате да го добивате InStore на вашата поштенска адреса, пополнете го формуларот и ќе ве контактираме. Полињата се задолжителни. Податоците се за интерна база и нема да бидат употребени за други цели.
На годинешната листа од 500 најголеми компании во Средна Европа, објавена од „Делоит", се најде само една компанија од Македонија, а од Јадранскиот Регион на највисокото место е хрватската компанија „Агрокор".
Годинава на листата се пласираа 40 компании од Јадранскиот Регион. Меѓу седумте нови компании што годинава се најдоа на листата се: „ХСЕ груп", „Меркатор-С", „ЈП Србијагас, „Загребачки холдинг", „Нелт КО", „Подравка" и „Лидл" - Хрватска. Од Македонија, на листава се пласирше единствено „Џонсон Мети" - 157 место, кој минатата година оствари приходи од продажбата од 1,18 милијарди евра. Од Словенија има најмногу пласирани компании - 17, потоа од Хрватска се 13, од Србија 7 и од БИХ – 2 компании.
Трите најголеми компании од Јадранскиот регион се: „Агрокор", кој минатата година оствари приходи од продажбата во вредност од 6,4 милијарди евра. Оваа компанија, која го зазеде првото место меѓу хрватските и првото место меѓу компаниите од регионот, годинава, од 22. место се искачи на 11. место на листата на „Делоит". Втора најголема компанија во Јадранскиот Регион е словенечката компанија „Петрол груп" со 3,8 милијарди евра и „Меркатор" со 2,6 милијарди евра.
Веќе десет години по ред, „Делоит" ја спроведува анализата на најголемите компании од 18 земји од Средна Европа и Украина. Сите 500 компании, вклучени во анализата, заедно оствариле приходи од продажбата од 685 милијарди евра, што претставува зголемување за 1,7 отсто во споредба со минатата година. За да бидат вклучени во оваа листа, компаниите треба да го надминат минималниот праг од 473 милиони евра.