На самитот Николовски ќе зборува на тема „Category Reinvention: Од стандардизиран производ до вредност – создавање нов пораст во FMCG“, со фокус на тоа како категориите можат да се ревитализираат, да се диференцираат и да отворат нови можности за пораст.
Во предавањето ќе бидат опфатени улогата на unique selling proposition, иновациите и новите FMCG-трендови во развојот на постојните и креирањето нови категории. Николовски ќе се осврне и на тоа како компаниите можат да ги препознаат промените во потребите на потрошувачите и пазарот и да ги претворат во конкретна понуда.
Посебен акцент ќе биде ставен на go-to-market стратегиите – од креирањето нова вредност до нејзино успешно позиционирање кај потрошувачот и трговецот. Предавањето ќе понуди практичен поглед кон тоа што е потребно категориите да останат релевантни и да создаваат одржлив пораст во услови на променливи потрошувачки навики и сè поголема потреба од диференцијација.
За говорникот:
Ненад Николовски е основач на AxisCore Consulting и експерт за комерцијална стратегија и трансформација на бизнисот. Кариерата ја започнува во „Дневник“, а во 2001 година се приклучува на P&G, каде што во текот на 18 години извршува раководни функции во продажба, модерна трговија, развој на продажни капацитети, дистрибутерски операции и трејд маркетинг.
Работи на пазари во Македонија, Албанија, Косово, Бугарија и Југоисточна Европа, како и на глобални пазари во развој. По P&G, продолжува како Commercial Director во L’Oréal Србија, а потоа како Chief Executive Officer во Baby Food Factory. Од август 2024 година е Раководител за унапредување на продажните операции во Nelt Group, Србија.
Денес, преку AxisCore Consulting, работи со компании на развој и имплементација на комерцијални стратегии, унапредување на продажните перформанси, развој на дистрибутерски капацитети и business turnaround, со фокус на одржлив пораст и развој на луѓето.
📌 Резервирајте го вашето место навреме и обезбедете го вашето учество на 12. FMCG Summit Скопје 2026.
