Маратон или спринт? Победнички mindset во продажбата е темата на која ќе говори Примож Хвала на 11 FMCG Summit кој ќе се одржи на 30 октомври во „Александар Палас“.
Продажбата не е трка на брзина, туку на издржливост. Успехот бара стратегија, фокус и правилен mindset. Што им е заедничко на најуспешните продавачи и како да го развиеме тој победнички став што нè води до резултати, без оглед на предизвиците?
Примож Хвала има повеќе од 25 години богато искуство во продажба, како и во соработка со професионалци за продажба од различни индустрии. Тој им овозможува на продавачите да ги трансформираат своите продажни пристапи и ги поддржува менаџерите за продажба во ефективно раководење и мотивирање на своите тимови. Во последните години, неговиот фокус е насочен кон управување со продажба, како и развој и имплементација на иновативни продажни техники и стратегии. Клучните области на неговата експертиза вклучуваат зголемување на продажната ефикасност, управување со промени во продажните мрежи, коучинг на менаџери и лидери на продажни тимови, како и проценка и развој на лидерски и продажни потенцијали кај поединци. Исто така, тој врши обуки на продавачи во различни области со цел унапредување на нивните вештини и резултати. Примож е предавач на Cotrugli Business School, каде што го води предметот Управување со продажба во класичните и извршните MBA програми во Загреб, Белград и Софија. Дополнително, тој е асистент на курсот Управување со продажба на Економскиот факултет. Во последната година, Примож обезбедил консултантски услуги и менаџментски/продажни обуки за значајни клиенти како BMW, Iveco, NLB Montenegro, Sanolabor, Styer, Telelink Sofia, Telemach и други. Тој е и програмски менаџер на престижните конференции како Sales Summit, Sales and Marketing on Shelves, словенечките маркетинг конференции, како и Marketing Summit во Белград и Сараево.
