Хрватските производители на вино оствариле вкупен приход од 908,9 милиони куни

Хрватските производители на вино, минатата година оствариле вкупно 908,9 милони куни приход, што е пораст од 16,3 % во однос на претходната година, додека расходите им се зголемиле за 15,7 отсто,објавила Финансиската агенција (ФИНА).

Во производството на вино од грозје лани работеле 275 претприемачи кои имале 1.376 вработени, што е за 3,2 отсто зголемување на бројот на вработени во однос на претходната година, покажуваат податоците од обработените годишни финансиски извештаи.

Минатата година винариите оствариле вкупен приход од 908,9 милиони куни, што е зголемување од 16,3 отсто во однос на претходната година, додека нивните вкупни расходи пораснале за 15,7 отсто, на 889,8 милиони куни.

Според податоците на „Фина,“ производителите на вино од грозје, лани оствариле добивка од 64,2 милиони куни, што е зголемување за 5,9 отсто, додека нивните загуби се намалени за 1,3 отсто, на 52,3 милиони куни.

Така, тие прикажаа позитивен консолидиран финансиски резултат во износ од 11,9 милиони куни, што е за 55 отсто повеќе во однос на 7,7 милиони куни нето добивка во 2021 година.

Од вкупниот број на претприемачи вклучени во производството на вино од грозје, 62,5 отсто од претприемачите работеле со добивка, додека 37,5 отсто пријавиле загуба за периодот, забележува „Фина“.

Извор:Seebiz

Фото: Pexels