„Попова кула“ ги објави резултатите за 2019 година

Винарницата „Попова кула“ ги објави финансиските резултати за 2019 година во неревидираниот консолидиран Биланс на успех, објавен на Македонска берза.

Од 1 јануари до 31 декември 2019 година оперативните приходи на винарницата изнесувале 51.197.000 денари, за разлика од истиот период во 2018 година, кога изнесувале 48.029.000 денари, со што забележале пораст за 6,2%.

Оперативните расходи на „Попова кула“ во 2019 година изнесуваат 49.883.000 денари и се за 2.578.000 денари повисоки од 2018 година, кога изнесувале 47.305.000 денари.