Регионални самити

Првиот FMCG-самит во Хрватска ги надмина очекувањата

21 дек 2015

FMCG-самитот кој се одржа во Загреб, на 17 ноември, во „Хипо центар", ги надмина очекувањата и ги воодушеви големиот број присутни.

Повеќе од 300 трговци, дистрибутери, производители и менаџери, со голем интерес и со внимание ги проследија темите поврзани со унапредување и со развој на трговијата со стока за широка потрошувачка.                                  

Би ја пофалил организацијата на првиот FMCG самит во Загреб и воедно би ја нагласил важноста за присуство на еден ваков настан. Ова е можност да се слушнат и да се видат бројни новости и трендови поврзани со трговијата, истакна Јуре Радош, директор за набавка во „Конзум".

Воодушевувањето не го сокрија ниту многубројните соработници кои, освен што со внимание ги слушаа говорниците, учествуваа и со свои прашања.

Навистина слушнав многу интересни информации и истражувања што сигурно ќе ги имплементираме во нашето работење, рече еден од учесниците, кој за овој настан дојде од Словенија.

Овој настан е значаен, затоа што е потребно да се гледаме, разговараме и да ги разменуваме искуствата учејќи едни од други. Особено ме радува што публиката ги впиваше информациите и соработуваше во разговорите, изјави Младен Кожиќ, менаџер за односи со клиенти во ГфК. Најголем интерес предизвикаа и двете тркалезни маси на кои учествуваа големи имиња од FMCG-секторот.

На првата тркалезна маса учествуваа Анте Јеловиќ, директор за продажба во „Адриа снек компани", Саша Коленко, член на управата на „АВТ интернационал", Марин Пуцар, претседател на управата во „Звечево", и Томислав Смолчец, директор за продажба и член на управата на „Метро кеш & кери" – Хрватска. Тие зборуваа за листинг, дистрибуција и за промоција. На втората тркалезна маса се зборуваше за можностите на локалните производители да работат глобално, а на неа учествуваа: Миодраг Боројевиќ, претседател на управата во „Пени Италија", Хелмут Антон Фензл, претседател на управата на „Шпар" – Хрватска, Звонимир Мршиќ, претседател на управата на „Подравка", и Стјепан Роглиќ, претседател на групацијата „Орбико". Модератор на втората маса беше проф. д-р Младен Ведриш.

tags:


@InStore.mk
Крадењето авторски текстови е казниво со закон. Преземањето авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира. 





Петтиот FMCG Самит во Белград собра над 480 учесници

21 дек 2015

Успешно одржан FMCG Summit во Сараево

21 дек 2015

Одржан најбројниот FMCG самит досега во Србија!

21 дек 2015

FMCG-самит Белград: Нови партнерства, искуства и знаења

21 дек 2015

Успешно одржан првиот FMCG-самит во Љубљана

21 дек 2015
Вчитува уште новости...