САД: Потрошувачите складираат храна поради страв од пораст на цените

Секој петти Американец вели дека купува повеќе стоки од вообичаено, првенствено поради стравувањата дека цените ќе се зголемат поради царините за увозните стоки наметнати од претседателот Доналд Трамп, се вели во извештајот на CreditCards.com, пренесе „Ројтерс“.

Овие наоди покажуваат дека потрошувачите се загрижени за покачувањето на цените и економската несигурност.

Тарифите може да ја зголемат инфлацијата бидејќи ја зголемуваат цената на увезената стока, предизвикувајќи компаниите да апсорбираат повисоки трошоци или да ги пренесат на потрошувачите преку повисоки цени. Ова дополнително може да доведе до пошироки инфлациски притисоци бидејќи трошоците за производство растат во различни индустрии кои се потпираат на материјали или компоненти од странство.

За потрошувачите, овој страв од пораст на цените често предизвикува нивно складирање на стоки - особено оние кои можат да траат, како што се тоалетна хартија или медицински материјали, додека цените нѐ скокнат.

На прашањето за влијанието на најавените царини на Трамп врз големите набавки, 22 отсто од испитаниците одговориле дека тие имале значително влијание, а 30 отсто рекле дека имале делумно влијание, покажува извештајот.

Секој петти Американец вели дека направил неодамнешни купувања како да одат на „судниот ден“, а 23 отсто велат дека очекуваат да го зголемат долгот на кредитната картичка, покажува извештајот.

Директорите на компанијата  за „Ројтерс“ изјавија дека промената на Трамп во тарифните планови предизвикува дополнителна несигурност и може да ја наруши глобалната трговија и да принуди некои компании да го префрлат производството во САД.

Извор: Glas Amerike

Фото: Pexels