Свет

„Ануга“ го лансира саемот за растителни производи „Ануга алтернативс“

18 Jun 2024

Саемот за храна го претстави новитетот - саемот „Ануга алтернативс“, кој ќе се фокусира на производи на растителна основа, како и други алтернативи на месото, како инсекти, алги и печурки.

Новиот саем се оечкува да собере повеќе од 1.400 компании ширум светот, вклучително и најмалку 70 германски компании, кои нудат алтернативи на производи од растително потекло.

Алтернативните протеини не се краткорочен тренд, туку иднината на храната. Здравиот и одржлив извор на протеини ќе стане суштинска компонента на исхраната на сè поголем број потрошувачи. Пазарот на алтернативни протеини не е поттикнат само од побарувачката на потрошувачите, туку подеднакво и од иновативните технолошки иновации, кои ќе ги истражиме на саемот „Ануга алтернативс“, изјави Јан Филип Хартман, директор на „Ануга“.

Како што објаснуваат организаторите, на саемот ќе има вебинари, работилници, како и експерти кои ќе ги презентираат резултатите од најновите истражувања за алтернативни извори на протеини. Покрај тоа, саемот ќе се фокусира и на социјалните аспекти на производството на храна, покривајќи теми како што се етичките набавки, зачувувањето на биолошката разновидност и социо-економските ефекти од префрлањето на исхрана базирана на растенија.

Пазарната вредност на алтернативните производи во Германија порасна за 7,8% од 2022 до 2023 година, на 689 милиони долари во 2023 година, додека во април 2024 година беа лансирани 27% повеќе од овие производи во споредба со една година порано, покажаа податоците на „Инова маркет инајтс“.

tags:

#Ануга #Ануга алтернативс

@InStore.mk
Крадењето авторски текстови е казниво со закон. Преземањето авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.

Се вчитува следна вест...

Најчитано

	Македонија Нов леб со кисело тесто од „Жито Лукс“ 11 Sep 2024
	Актуелно Лажни бројки за вистинска економија? 11 Sep 2024
	Регионално Марина Хадровиќ: Нашите производи се квалитет, емоција и вкус 11 Sep 2024
	Анализи Обединето Кралство: „Алди“ со рекордна инвестиција во ширењето на продажната мрежа 11 Sep 2024
	Анализи „Лидл“ извезува свинско месо произведено во Германија 13 Sep 2024
	Македонија „Вива“ ја претстави новата категорија на производи – Viva la Cucina 17 Sep 2024