„Карфур“ ги објави податоците за работењето во првиот квартал

Акциите на „Карфур“ паднаа за речиси 4 отсто, откако најголемиот европски трговец на храна ги објави податоците за продажбата во првиот квартал од годината. 

Франција е малку под очекувањата, а тонот на изгледите, иако чувствителен во сегашниот контекст, веројатно нема да предизвика возбуда. Затоа, очекуваме да видиме движење на цената на акциите на краток рок во контекст на нивните неодамнешни извонредни перформанси и со оглед на нивната позиционираност, напишаа во коментар аналитичарите на „ЈП Морган“.

„Карфур“ објави продажба во првиот квартал од 20,239 милијарди евра, што е зголемување за 3,4% отсто на споредлива основа, раст од 0,7 отсто во споредба со четвртиот квартал од 2021 година.

Сепак, продажбата во Франција остана непроменета во текот на кварталот, при што продажбата на хипермаркетите е намалена за 1,1 отсто на годишно ниво.

Готовината е клучна во плановите на „Carrefour“ да го зајакне проширувањето на онлајн трговијата без дополнителни финансиски ресурси. Претседателот и извршен директор Александар Бомпар, кој беше реизбран во мај 2021 година за уште три години, работи на нов стратешки план и преглед на имотот, а кој треба да го претстави наесен.