„Дивела“ ќе продава удел во компанијата?

Сопствениците на италијанскиот бренд тестенини Divella ја разгледуваат можноста за продажба на 30% од уделот во компанијата на стратешки партнер.

Имено, раководството на компанијата има намера да ја зајакне позицијата во земјите со ниска потрошувачка на тестенини.

Италијанскиот пазар е во застој, мора повеќе да работиме во странство. Од таа причина, подготвени сме да ја разгледаме опцијата за склучување стратешко партнерство со некој што може да помогне во продажбата на нашите производи во Америка и во Кина, изјави Винченцо Дивела, извршен директор на групацијата.

Тој додаде дека веќе ја разгледуваат можноста за почеток да продадат 30% од уделот во „Дивела“.