Роко Водопија на 11 FMCG Summit на тема: Како компанијата да постигне повеќе од планираното

Дали ни требаат менаџери во секоја ситуација? Менаџер или лидер? Што е потребно да се направи за компанијата да ги исполни своите планови? Одговорите на овие прашања ќе ги дознаете од Роко Водопија (EX CEO во Bimilk, консултант во A.T.Kearney) на  11 FMCG Summit кој ќе се одржи на 30 октомври во „Александар Палас“.

Роко Водопија е истакнат менаџер и консултант со повеќе од 25 години докажан успех во водење и трансформирање на водечки компании низ Централна и Југоисточна Европа. Специјалист е за трансформација и оперативно унапредување на бизнисите во малопродажбата и FMCG секторот.

Во текот на својата кариера има извршувано највисоки лидерски позиции, меѓу кои и Генерален директор на Bimilk, каде што ја насочи компанијата кон лидерска позиција на пазарот, како и Претседател на Управниот одбор на Dinov – Diona, каде успешно го спроведе реструктурирањето и ревитализацијата на нивниот национален малопродажен синџир. Неговото менаџерско искуство го опфаќа и реномирани компании како TDR, Dukat и Pliva, а консултантската работа во A.T. Kearney, BDO и EY дополнително ја зајакна неговата стратешка и оперативна експертиза.

Освен консултантската практика, Водопија е активен предавач и едукатор, посветен на зајакнување на менаџерските тимови за да го постигнат целосниот потенцијал и да остварат одржливи резултати.