Македонските компании се претставија на саемот ISM 2025 во Келн

Осум македонски компании се претставија на годинешниот ISM саем во Келн, специјализиран за кондиторија. На саемот своите производи ги преставија компаниите: „Витаминка“, „Лион“, „Европа АД“, „Макпрогрес“ „Макпромет“, „Мако маркет“, „Макс фуд индустри“ и „Мекробин“  

„Витаминка“ е редовен изложувач на ISM и во досегашното искуство сме се увериле во придобивките и реалните резултати. Нашето учество на овој саем има исклучително значење, бидејќи го претставуваме и промовираме македонското производство и воспоставуваме нови бизнис соработки, изјави Илија Наумоски, помошник оперативен директор на „Витаминка“.

„Макпрогрес“ со гордост ги претстави своите иновации и квалитет на ISM 2025, водечкиот саем за кондиторската индустрија во светот. Со посветен и мотивиран тим, ги презентиравме нашите најнови производи, ги зајакнавме глобалните партнерства и ја споделивме нашата визија за иднината, соопштуваат од компанијата.

Ова е можност за стекнување искуства и познанства, како и запознавање со новите технологии и иновации, истакнуваат од „Мако маркет“.

Нашето присуство овде е од огромно значење – ова е платформа каде што ги презентираме нашите висококвалитетни кондиторски производи, се поврзуваме со водечките играчи во индустријата и ги истражуваме најновите трендови и технологии кои го обликуваат иднината на слаткарскиот сектор, истакнуваат од „Лион доо“.

На ISM саемот изложуваат  најзначајните фирми од кондиторската индустрија, а годинава се претставија 1500 компании од 70 држави.   

Фото: Принтскрин