Новата кампања на „Теско“ ја истакнува улогата на храната во секојдневниот живот

„Теско“ лансира нова кампања под името „Тоа не е мала работа. Тоа е се“, со цел да ја истакне важноста на храната во секојдневниот живот на потрошувачите. Кампањата го нагласува емотивното влијание на храната и потсетува на претходната кампања која траеше седум години и беше наречена „Food love stories“.

Како дел од кампањата, „Теско“ привремено ќе го отстрани своето лого – bag for life, од ќесите за купување,  заменувајќи го со зборови како „Забава“, „Сподели“, „Смеј се“ и „Љубов“. Овие долготрајни ќеси направени од рециклирана пластика ги заменија пластичните кеси за еднократна употреба во продавниците на мало низ Велика Британија пред неколку години. Ќесите може да се купат во која било продавница, а доколку се скинат може бесплатно да се заменат, а трговецот ги донира приходите од продажбата на овие ќеси на добротворни организации.

Дополнително, компанијата планира активности во текот на целата година, со цел да илустрира како храната може да игра улога во секој момент од животот, вклучително и реклами за OOH кои користат зборови како "Crisp", "Golden", "Crunch" и "Juicy"  за да ја опишат храната што се наоѓа во продавниците на малопродажбата.

Кога станува збор за храната, секој детал ни е важен, бидејќи знаеме каква улога има таа во животот на нашите купувачи. Нашата нова кампања го покажува тоа. Ние веруваме дека одличен оброк започнува со квалитетни состојки, без разлика дали тоа е нежен стек, крцкави зеленило или сочна пченка на кочан. Тоа не е мала работа за нас, тоа е сè, изјави Мари Бишоп, маркетинг директор на „Теско“ за Велика Британија.

Извор: Grocery Gazette

Фото: „Теско“