Првиот ден од новата учебна година за 65.000 првачиња низ Србија ќе биде одбележан со традиционалната акција на „Бамби“ за доделување пакетчиња за добредојде. Оваа долгогодишна иницијатива, која компанијата ја реализира во партнерство со Министерството за образование, наука и технолошки развој, веќе неколку години е составен дел од почетокот на учебната година за првачињата низ Србија.
Секое прваче ќе добие пакетче за добредојде во училишните клупи, кое содржи практичен училиштен прибор, тетратка и распоред на часови, како и избрани производи Plazma од портфолиото на „Бамби“. Првите пакетчиња симболично беа доделени во Основното училиште „Доситеј Обрадовиќ“ во Пожаревац, во присуство на претставници на Министерството, компанијата „Бамби“ и партнерската компанија „Нелт“.
„Еден од приоритетите на Министерството за образование, наука и технолошки развој е создавање позитивна и поттикнувачка средина за сите ученици, особено на самиот почеток од нивниот образовен пат. Нашето долгогодишно партнерство со компанијата ‘Бамби’ на овој проект е добар пример како, здружувајќи ги силите од година во година, придонесуваме почетокот на школувањето да биде уште попосебен за првачињата низ Србија“, изјави Иван Ќилерџиќ, помошник-министер за предучилишно и основно образование и воспитание.
„Поаѓањето на училиште претставува посебна пресвртница, не само за секое дете туку и за целото семејство. Со оваа иницијатива сакаме да придонесеме првиот училиштен ден да биде уште порадосен и да остане во убаво сеќавање, а истовремено да им дадеме поддршка на заедниците во кои живееме и работиме. Особено сме горди што иницијативата, која во Србија има долга традиција, годинава се прошири и во регионот и на тој начин опфати уште поголем број првачиња на самиот почеток од нивниот образовен пат“, изјави Јована Важиќ, менаџерка за корпоративни работи и одржливост во компанијата „Бамби“.
Таа додаде дека, покрај првачињата во Србија, пакетчиња ќе добијат и учениците што годинава тргнуваат во прво одделение во Црна Гора, Босна и Херцеговина и Северна Македонија.
Годинешното проширување на иницијативата ја одразува определбата на „Бамби“ своето позитивно влијание да го прошири на уште поголем број млади низ регионот, заклучи Важиќ, посакувајќи им уште еднаш среќен почеток на учебната година на сите првачиња.
