Coca-Cola во Босна и Херцеговина, во присуство на партнери, претставници на институциите, културниот, деловниот и јавниот живот, како и на дипломатскиот кор, одбележа голем јубилеј – 30 години партнерство со Сараевскиот филмски фестивал, што воедно претставува и најдолгото партнерство во историјата на фестивалот.
Како што истакнуваат од компанијата, Coca-Cola и Сараевскиот филмски фестивал веќе три децении заеднички ја создаваат фестивалската атмосфера која секое лето го претвора Сараево во место за средба на идеи, уметност и луѓе од целиот свет.
Партнерството, кое започна речиси истовремено со фестивалот, го следеше неговиот развој од локална иницијатива до еден од најзначајните филмски фестивали во Југоисточна Европа.
Ние во „Кока-Кола“ нашиот придонес и резултатите ги остваруваме преку секојдневното дејствување, резултатите од иницијативите и проектите, како и преку градење и зачувување на довербата со партнерите. Важно е да споменам дека повеќе од 80% од пијалаците на Coca-Cola пласирани на пазарот во БиХ се произведуваат во Хаџиќи. Вработуваме повеќе од 300 луѓе низ БиХ, соработуваме со повеќе од 350 локални добавувачи и повеќе од 15.600 купувачи, изјави Димитрис Ромпис, генерален директор на „Кока-Кола ХБЦ Адриа“.
Тој истакна дека трите децении партнерство се резултат на доверба што се гради од година во година, подготвеност за заеднички раст и уверување дека најдобрите резултати се постигнуваат кога партнерите споделуваат исти вредности.
Сараевскиот филмски фестивал денес е многу повеќе од филмски фестивал – тој е симбол на креативноста, отвореноста и енергијата на овој град, но и важен двигател на неговиот развој. Горди сме што Coca-Cola беше дел од тој пат речиси од самиот почеток. Како компанија длабоко вкоренета во Босна и Херцеговина, веруваме дека наша одговорност е, покрај поддршката на културата и креативноста, да придонесуваме и за развојот на локалната заедница, додаде Ромпис.
Според него, во последните години партнерството е дополнително збогатено со иницијативи кои промовираат одржливост и поодговорен однос кон животната средина.
Гостите го одбележаа јубилејот под симболичниот слоган „Наздрави за 30“ и се потсетија на моментите што ги одбележаа трите децении соработка меѓу Coca-Cola и Сараевскиот филмски фестивал.
Од компанијата порачуваат дека Coca-Cola во Босна и Херцеговина останува партнер на фестивалот и локалната заедница, посветена на долгорочни партнерства кои создаваат вредност за културата, градот и луѓето.
