Македонците за храна трошат 40% од приходите

Податоците на Евростат покажуваат дека во јануари 2026 година, 46 проценти од вкупната потрошувачка на домаќинствата во Европската Унија(EУ) отпаѓа на три категории. Првата е храна и безалкохолни пијалоци, втората е домување, вода и енергија, а третата е транспорт.

Секоја од овие категории бележи значително зголемување на цените во последните години.

Храната е убедливо најголемиот трошок. Во Европската Унија, таа учествува со 16,28 проценти од сите трошоци, а во Хрватска со 21,76 проценти. Домувањето, водата и енергијата се втори во ЕУ со 14,87 проценти, додека во Хрватска се само четврти со 10,95 проценти. Транспортот е на трето место во ЕУ, како и во Хрватска (12,25 отсто). Донекаде изненадувачки, во Хрватска, рестораните и услугите за сместување се на второ место.

Ако погледнете колку граѓаните од различни земји трошат за храна, можете да видите големи разлики. Швајцарците имаат најмал процент на трошоци, со 10,35 проценти, по што следуваат Австрија со 11,84 проценти и Луксембург со 12,21 процент. Највисок процент убедливо има Македонија. Во земјава 40,11 проценти од трошоците за домаќинства одат за храна. Следат Албанија со 34,46 проценти и Косово со 32,75 проценти. Од земјите-членки на ЕУ, Романија е во најлоша ситуација со 27,41 процент, пренесува Forbes Hrvatska.