На производителите, преработувачите и дистрибутерите на овошје и зеленчук од Србија им е достапна нова платформа за извоз на храна на пазарот на САД.
Платформата е креирана во рамки на заедничкиот проект на ФАО и Европската банка за обнова и развој (ЕБОР), во соработка со развојната агенција на Србија. Истата им нуди можност на постоечките и на потенцијалните извозници на овошје и зеленчук на едно место да ги дознаат неопходните информации за подготовка на извозот за американски пазар. Истовремено, компаниите имаат можност да воспостават контакт со експерти и да добијат конкретни информации во врска со потенцијалните пазари.
Пристапот до платформата е бесплатен, со регистрација на корисникот или компанијата.
САД се втор најголем светски пазар на Храна, после Кина.
@InStore.mk
Крадењето авторски текстови е казниво со закон. Преземањето авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.