Македонија

ССМ: Државата да воведе неработна недела за сите работници

21 мај 2020

Сојуз на синдикатите на Македонија (ССМ) смета дека здравствена криза предизвикана од Ковид-19 покажа дека повеќе од потребно е недела да биде неработен ден за сите работници.

Во изминиот период видовме дека со прогласените мерки и полицискиот час кој траеше за време на викендите целокупното општество може да фукционира и доколку недела е прогласен за неработен ден, соопштија од ССМ.

Од таму потсетуваат дека покрај другите предлози за унапредување на работното законодавство во насока на заштита на работничките права и обезбедување баланс меѓу работата и семејството, ССМ веќе предложи ден на неделен одмор да бидат и сабота и недела.

Традиционално во нашата држава и во државите на нашето опкружување се прифаќа дека саботата и неделата се денови на неделен одмор заради почитување на семејните традиции и заштита на правата што е во согласност со Конвенцијата на МОТ бр.106 за неделен одмор. Анализите и примерите  покажуваат дека работникот ќе биде попродуктивен ќе има повеќе време за семејството, за одмор и професионално надградување и дообразување, поврзано и со здравјето на работниците, а обврските можат да се завршат во текот на неделата, а истовремено да не трпи ниту бизнисот, ниту работниците и граѓаните, оценија од Синдикатот. 

ССМ смета дека со унапредување на работничките права и со создавање правна рамка за почитување на демократските вредности ќе се изнајде правно решение со кое недела ќе биде неработен ден.

Ваквата иницијатива на ССМ веќе се покажува и во пракса и голем број работодавачи своеволно ја прогласија недела за неработен ден. Тоа е примерот што треба да го следат и останатите работодавачи, како и Владата, се вели во соопштението. 



@InStore.mk
Крадењето авторски текстови е казниво со закон. Преземањето авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира. 


Слична содржина



ССМ: При крај сме со договорот за недела како неработен ден

23 фев 2021

УЈП: Работодавците ќе враќаат до 50 отсто од субвенциите за придонеси за април, мај и јуни

23 фев 2021

„Алкалоид“: Инвестиции од 1,5 милијарди денари и 210 нови вработувања

23 фев 2021

Нова апликација за заштита на правата на потрошувачите

23 фев 2021

Доаѓаат 4 нови инвестиции вредни над 300 милиони евра?

23 фев 2021

Ќе се формира нов совет за заштита на потрошувачите

23 фев 2021
Вчитува уште новости...