„Витаминка“ објави позитивни финансиски резултати за 2019 година во неревидираниот консолидиран Биланс на успех.
Компанијата објави дека во периодот од јануари до декември 2019 година оствари вкупни приходи од 2.504.068.000 денари и во споредба со остварените во 2018 година бележат пораст од 6%. Во структурата на вкупните консолидирани приходи најголемо учество, 98%, имаат приходите остварени од продажба на производи и услуги од основна дејност, кои во споредба со остварените во 2018 година бележи пораст од 6%.
Остварените консолидирани вкупни расходи во 2019 година во споредба со остварените во 2018 година бележат пораст од 4%.
Вкупните инвестиции во основни средства во 2019 година изнесуваат 159.300.000 денари. Генерално инвестицијата се однесува на купувањето на опремата и ставање во функција на нов логистичко-дистрибутивен центар. Минатата година се реализирани 28 нови вработувања, стои во соопштението.
@InStore.mk
Крадењето авторски текстови е казниво со закон. Преземањето авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.