Актуелно

Јована Младеновиќ: Комуникацијата гради доверба

16 сеп 2020

Јована Младеновиќ, менаџер за комуникација, „Карлсберг“ - Србија

Во кризната состојба, која трае подолг временски период, менаџерските вештини во управувањето со луѓето се еднакво важни за надминување на предизвиците како што се донесувањето деловни одлуки - на краток рок, но уште поважно на долг рок.

Кога се наоѓате во ново деловно опкружување, кое вклучува и онлајн-комуникација, работа дома, со истовремено влијание на надворешни фактори кои придонесуваат за дополнителен стрес кај луѓето (вистински страв од епидемијата), тоа сигурно бара приспособување на пристапот кон вработените и многу повеќе работа на меѓусебната комуникација.

Многу е важно во вакви околности да ги препознаете разликите меѓу вработените во вашиот тим и да имате индивидуален пристап кон секој од нив. Имајте ги на ум спецификите како што се: карактерот на вработениот (интроверт/екстроверт), приватната состојба на вработениот (со кого живее - родители, деца, стари луѓе, сам), деловната состојба на вработениот (без разлика дали е на нова позиција, дали е дел од проектниот тим, дали првпат работи од дома).

Мора да прифатиме дека различните луѓе различно реагираат на стресни ситуации. Затоа треба да покажете исклучителна флексибилност, постојано да работите на подигнување на моралот, но исто така да бидете многу јасни и прецизни во давањето упатства за работа.

„Комуникацијата во живо“ и комуникација преку е-пошта или телефон не можат да се стават на исто ниво – кај вторите два начина на комуникација многу почести се погрешни толкувања, недоразбирања и слично. Затоа, ако таков начин на работа е единствениот можен во даден момент, внимавајте колку што е можно повеќе да избегнете дополнителна фрустрација на колегите со „погрешна комуникација“.

Одржувајте постојана комуникација со вашите луѓе и повеќе отколку во нормални околности - тоа гради доверба, а вработените го очекуваат токму тоа од нивните менаџери, како и сочувство, стабилност и надеж (примери се редовни состаноци, но не повеќе од 60 минути – рутината ја одржува ангажираноста и мотивација на вработените, редовно известување за развојот на ситуацијата, брз одговор на барањата и на прашањата од вработените, итн.)

На крајот, она што ја прави разликата меѓу двајца менаџери со ист учинок е различното ниво на емоционална интелигенција. Емоционалната интелигенција влијае не само на професионалниот, туку и на приватниот успех, тоа ја рефлектира нашата способност прво да ги разбереме нашите сопствени, а потоа и другите емоции, да управуваме со конфликти и да го мотивираме тимот.

Еден од неговите важни делови е самоуправувањето, што ни овозможува да ги контролираме нашите емоции, така што да не го надминат нашето однесување, да ги изразиме на ниво што е соодветно на ситуацијата, како и да сме емоционално приспособени на стресните ситуации.

Истражувањата покажуваат дека луѓето со повисоко ниво на емоционална интелигенција имаат поголема веројатност да им помогнат на фирмите да го зголемуваат профитот затоа што тие честопати служат како инспирација за другите.

Затоа, при процена на управувањето со кризи, овој аспект секако треба да се земе предвид и, доколку е потребно, да се работи на нејзино подобрување.

Одржувајте постојана комуникација со вашите луѓе и повеќе отколку во нормални околности - тоа гради доверба, а вработените очекуваат од нивните менаџери: доверба, сочувство, стабилност и надеж

 



@InStore.mk
Крадењето авторски текстови е казниво со закон. Преземањето авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира. 





Се вчитува следна вест...