Германскиот дисконтер „Алди“ од вчера во својот асортиман на производи додаде сендвичи кои претставуваат веганска алтернатива на туна на база на алги, под брендот BettaF!sh TU-NAH.
Сендвичите се достапни во продавниците на „Алди норд“, по цена од 2,49 евра, во класична варијанта. Веганската туна што се користи во нив е производ од соработката со старт-апот „БетаФ!ш“, чиј проект претходно беше поддржан од трговскиот синџир „Алди“.
Веганската туна е направена од европски органски алги кои можат да се одгледуваат на отворено море без слатка вода или адитиви. Освен тоа, во процесот на производство на веганската туна се користат и бројни природни вкусови како цвекло и пиперка, како и протеини од органски одгледана боранија.
Туната е вид риба која најмногу се конзумира ширум светот и многу залихи веќе се загрозени.
@InStore.mk
Крадењето авторски текстови е казниво со закон. Преземањето авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.