„Карлсберг“ продаде повеќе пива сега до јуни отколку во цела 2019 година

Данската пиварница „Карлсберг“ продаде повеќе пива во првата половина од годинава отколку во претпандемиската 2019-та благодарение на Европското првенство во фудбал и високите температури во јуни.

До крајот на првата половина од годината, продажбата на пиво на клучните кинески и руски пазари се зголеми значително над нивоата во 2019-та година, соопштија од третата по големина пиварница во светот.

Вкупниот обем на продажба на органски производи во првите шест месеци од оваа година беше два проценти поголем отколку во истиот период во 2019 - та година. Компанијата го зголеми приходот за 17 проценти во периодот од април до јуни, на 18,69 милијарди дански круни (2,94 милијарди американски долари).

Во Западна Европа, продажбата беше зголемена со високите температури во јуни во комбинација со Европското првенство во фудбал и повторно отворање на барови и ресторани по олеснувањето на мерките за контрола на пандемијата со коронавирусот.

Од пиварницата велат дека се осигурале од раст на цените на суровините до крајот на годината, но предупредија дека во 2022 година ќе забележи „значително повисоки“ трошоци поради повисоките цени на алуминиумот, јачменот, хартијата и нафтата.

Во извештајот компанијата ја зголеми својата проценка за растот на оперативниот профит од пет на 10, претходно, на осум на 11 проценти.