Неочекувано силен скок на кинескиот извоз

Кинескиот извоз во март се зголеми за 30 проценти во споредба со истиот период од минатата година, што претставува дополнителен силен раст на надворешната трговија на земјата. 

Податоците од кинеската Царина, објавени денеска, исто така, укажаат на неочекувано силен скок на увозот, што пораснал за 38,1 процент.

Март е деветти месец по ред на раст на кинескиот извоз, а увозот, пак, се зголемува шести месец по ред. 

Во првите два месеци од годинава, извозот на Кина скокна за 60,6 проценти. Увозот порасна за 22,2 проценти во јануари и февруари.

За целиот прв квартал има зголемување на извозот за 49 проценти, и раст на увозот за 28 проценти, соопшти кинеската Царина.