„Даглас“ ќе затвора продавници

Според објавените извештаи, синџирот парфимерии „Даглас“ планира да затвори 500 од своите 2.400 продавници во Европа.

Најголем удар ќе претрпат продавниците во Шпанија и во Италија, каде што „Даглас“ управува со мрежа од голем број мали продавници, кои беа резултат на повеќе аквизиции.

Компанијата не ги потврди извештаите, но, сепак, во официјалното соопштение се наведува: Уште во текот на летото најавивме дека како дел од нашата корпоративна стратегија и како резултат на променетата клима на пазарот поради пандемијата на коронавирусот, ќе го преиспитаме работењето на сите продавници во мрежата.