Регион

Србија доби Банка за ракија

22 окт 2019

Банка за ракија се отвори неодамна во Белград, во дестилеријата „Белград Урбан Дистилери“ која работи веќе десет години. 

Српската Банка за ракија е место на коешто сите заинтересирани поединци и компании може да направат своја ракија и да станат клиенти на нашата „весела“ банка, изјави Бранко Нешиќ, сопственик на дестилеријата.

Клиентот со помош на вработените ги става состојките во буриња од 50, 100 или 220 литри. После полнењето, бурињата се оставаат на чување до одреден датум.

Бурето е постојано на располагање, а по одлежување од минимум шест, а максимум 36 месеци, клиентот може да го отвора бурето и да полни во шишиња со сопствена етикета.