Регион

Нов логистички центар на „Лидл“ во Словенија

06 авг 2019

Деловно-логистичкиот центар на „Лидл“ во Арја, Словенија, вреден 70 милиони евра, ќе стане оперативен кон крајот на оваа есен.

Изградбата почната во јуни минатата година е во завршна фаза, а во тек се и подготовките за преселување од моменталната локација во Коменда.

Изградбата на новиот логистички центар се одвива според плановите, а со работа ќе почнеме кон крајот на оваа есен. Во моментов сме во завршна фаза. Набрзо ќе следува и преселбата од моменталната локација, изјавија од компанијата за нашиот магазин.

Благодарение на новиот логистички центар, кој се простира на 57.000 м², „Лидл“ планира да ја зајакне позицијата на едно од најголемите трговски претпријатија во Словенија, кое воедно е и најголемиот работодавец со 1.500 вработени.

Како што истакнаа од компанијата, овој центар ќе биде еден од првите модуларни центри во светот, со што ќе биде скратена логистичката рута. На покривот ќе има соларни плочи, така што „Лидл“ ќе може да влезе во трката за добивање сертификат за одржлива градба и работење.

Освен овој центар, „Лидл“ планира изградба на логистички центар и во Залог, Љубљана, кој освен словенечкиот ќе ги покрива и пазарите во регионот.



@InStore.mk
Крадењето авторски текстови е казниво со закон. Преземањето авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира. 


Слична содржина



БиХ: „Бинго“ сака (од „Фортенова“) да го преземе ТП ДК „Сараево“

23 јул 2020

Србија ја доби единствената фирма за органско чоколадо

23 јул 2020

„Еуроспин“ влегува во Хрватска

23 јул 2020

Растат приходите на „Подравка“ и покрај кризата

23 јул 2020

„Атлантик група“ со стабилни полугодишни резултати

23 јул 2020

„Дукат“ е подготвен да го откупува млекото од кооперантите на „Мегле“

23 јул 2020
Вчитува уште новости...