Македонија

Комората на медијатори пристапи кон Сојузот на стопански комори

05 јул 2019

Комората на медијатори денеска потпиша договор за пристапување кон Сојузот на стопански комори на Македонија, како 34-та членка.

Според Данела Арсовска, претседателката на Сојузот на стопански комори, компаниите во медијацијата гледаат еден начин како би можеле да ги решат своите спорови на краток рок, без голем број на трошоци со кои сега во овој момент се решаваат споровите.

Веруваме дека институциите треба да преземат малку поголема одговорност во тоа да ја подигнат свесноста, не само во деловната заедница туку воопшто кај сите дека треба да се анимира пошироката јавност за кое е значењето на медијацијата и зошто таа треба да се користи, не само во секојдневното работење на компаниите, туку и на граѓаните, вели Аровска.

Како што појасни Славе Младеновски, претседател на Комората на медијатори постапката за решавање на споровите со медијација според закон може да трае максимум 60 дена.Тој вели дека основното што ги мотивира страните што се во спор да го решат во постапка на медијација е интересот.

Тие точно знаат кој е нивниот интерес и секогаш ќе се водат од него. Во интерес на сопствениот интерес ќе гледаат постапката да биде куса, да биде евтина и притоа двете страни да дојдат до решение од кое ќе бидат задоволни, рече Младеновски.

На прашањето за колку би се намалиле трошоците на бизнисите доколку користат медијација, Аровска вели дека тие се зголемуваат многукратно доколку се оди по редовна постапка. Разликата меѓу медијацијата и редовните спорови е долготрајноста на постапката. Времето во бизнисот и економијата, како што рече, е еден од најважните фактори и не секој го има тој луксуз на располагање да може да решава должничко доверителски односи со години.

Според списокот објавен на сајтот на Комората и на Министерството за правда, официјално 43 медијатори се со лиценца. 



@InStore.mk
Крадењето авторски текстови е казниво со закон. Преземањето авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира. 


Слична содржина



Македонија во следната година очекува раст на БДП од 4,8 отсто

21 сеп 2020

Секој може да биде газда за 1 евро

21 сеп 2020

Уште пет години продолжена дозволата на „Пакомак“ за колективно постапување со отпад

21 сеп 2020

Министерот за земјоделство: Ќе се откупи целото грозје до последно зрно

21 сеп 2020

Грантови за уште 31 фирма преку Фондот за иновации

21 сеп 2020

Владата утврди мерки за помош на лозарите и на винариите

21 сеп 2020
Вчитува уште новости...