IN STORE in your country:
Makedonija   Slovenija   Hrvatska   Srbija   BiH  
Povratak na pocetnu stranu  
  Македонија Четврток, 13.12.2018 || „Виталиа“ продава и во Бангладеш   |  „Нектар“ и „Нелт“ се здружија во Србија   |  „Старбакс“ ќе отвори уште 2.100 ресторани ширум светот  |  „Жито маркети“ прослави 30 години   |  „Дм дрогерие маркт“ забележа двоцифрен раст   |  „Розе“ во „Вашингтон пост“   |  „Виолета“ ја разубави скопска Гинекологија   |  Vincinni извезува во Јужна Кореја   |  Тридневна дружба на вработените на „Макпрогрес“  |  „Лакталис“ го купува „Нестле“ во Малезија за 40 милиони долари   |  Трговците избраа ТОП 100 производи  |  Милијардер купи удел во Starbucks  |  Перутнина Птуј“ ќе продава салами во САД   |  „Метро Бугарија“ воведува автентични млечни продукти  |  Сертификати за компаниите што се фер со потрошувачите  |  „Унилевер“ нема да се сели во Холандија   |  Трговците бираат топ 100 производи   |  Битола стана дел од големиот проект „Coca-Cola Активни зони“   |  Производителите на чоколадо се насочуваат кон Исток   |  Трошоците на живот на месечно ниво намалени, на годишно имаат раст   |   ||
   

Италија: Пазарот на пакувана вода вреди 2,8 милијарди евра

16.02.2018

Вкупните приходи од пазарот на вода во шишиња во Италија минатата година достигнале вредност од 2,8 милијарди евра, што претставува пораст за 1% во однос на 2016 година.

Според податоците на компанијата „Бевиталиа", на италијанскиот пазар работат 135 полнилници за вода, кои пласираат 255 брендови. Вкупното производство во 2017 година достигнало до 14 милијарди литри (скок од 13,8 милијарди литри во 2016 година), од кои 12,65 милијарди биле испиени во Италија, а остатокот биле извезени.

Со извоз во вредност од 480 милиони евра, Италија е вториот по големина извозник на вода, по Франција, чија извозна вредност изнесува 600 милиони евра. Извозниот лидер е познат по брендовите Evian на „Данон" и Perrier на „Нестле".

Природната минерална вода претставува 68% од вкупната пакувана вода што се консумира во Италија, додека 18% се газирана вода. Најголемиот дел од продажбата (69%) бил остварен во хипермаркетите, супермаркетите и во дисконтите, по кои следуваат каналот хорека (21%) и традиционалните продавници (10%). Во однос на пакувањето, водата се полни во ПЕТ-амбалажа (81%), стаклени шишиња (17%) и во други видови (2%).

Лидери на пазарот

Осумте водечки производители – „Санпелегрино Нестле вотерс", „Сан Бенедето", „Фонти ди Винадио", „Норда", „Лете", „Ферареле", „Ко.Џе.Ди" и „Спумадор", го држат мнозинскиот дел од пазарниот удел (73,5%), со вкупно количество од 10,29 милијарди литри годишно.

Групацијата „Санпелегрино" ја потврди лидерската позиција со остварениот приход од 895 милиони евра и со пазарен удел од 18,6%. Во текот на последните неколку години, компанијата ја заокружи стратегијата на регионално дезинвестирање на работењето, ставајќи го фокусот на националните и на меѓународните брендови, како што се San Pellegrino, Acqua Panna, Levissima и Nestlé Vera.

„Сан Бенедето" се наоѓа на второто место, со приход од 592 милиони и со пазарен удел од 17,1%. Полнилниците продолжуваат со територијално проширување и досега компанијата поседува шест производствени погони за брендовите San Benedetto, Guizza, Acqua di Nepi, Cutolo Rionero, Pura da Roccia и Antica Fonte da Salute.

Приходот на третата по големина компанија – „Фонти ди Винадио", која воедно е и најбрзорастечка, минатата година досстигнал до 300 милиони евра.

Според Асоцијацијата на индустријата за минерална вода „Минераква", просечната годишна потрошувачка на пакувана вода во Италија изнесува 20 литри по жител, што отвора голем простор за понатамошен пораст.

Извор: www.esmmagazine.com

Назад
 

 
 
 
back to top