IN STORE in your country:
Makedonija   Slovenija   Hrvatska   Srbija   BiH  
Povratak na pocetnu stranu  
  Македонија Понеделник, 24.09.2018 || Голема забава со Петко, „Поточиња“ и вкусна храна пред Веро Тафталиџе  |  Данците бараат органска храна   |  „Едека“ воведува ласерски етикети   |  „Веро“ трајно ги намали цените на 650 производи   |  Се продава „Навип винарство“   |  Кроасаните 4U добија интернационален сертификат   |  „Метро“ најави продажба на хипермаркетите „Реал“  |  Македонија со национален штанд на најголемиот прехранбен самит во ЈИЕ   |  „Фонтера“ првпат работи со загуби   |  Сарај доби „Coca-Cola Aктивна зона“   |  Кочанскиот ориз не е со ГМО   |  „Витаминка“ изложува на саемот Worldfood Москва 2018   |  „Бовин“ прослави две децении постоење   |  „Бимилк“ му даде нов лик на Тумбе Кафе во Битола   |  „Лесковачка скара“ само со дозвола   |  „Бучен Козјак“ се редизајнираше – производите со нови дизајни веќе се на полица  |  Пивото ќе поскапи од 2019 година  |  Нова мобилна апликација на „Рамстор“   |  За три месеци одземени половина тон лажен мед   |  Нема потврда од науката дека ГМО се штетни   |   ||
   

Македонија: Нови можности за квалитетните македонските вина

14.06.2018
По добивањето на највисоката награда на „Декантер" - платинест медал за црвеното вино „Барово 2015" на „Тиквеш", истакнатиот вински критичар, автор и член на жирито на овој престижен вински натпревар, Дарел Џозеф, истакна дека наградата ќе овозможи препознатливост на македонски вина во светски рамки. 
Според пропозициите на винскиот натпревар, платинест медал се доделува на вина што претходно освоиле златни медали, а за значајноста на натпреварот говори и фактот дека за освојување на златото, потребно е да се освојат над 90 поени. По освојувањето на златниот медал, вината повторно се оценуваат во посебна сесија. На овој начин виното Barovo 2015, освои вкупно 97 поени и платинест медал.

Освојувањето платинест медал во конкуренција на близу 17.000 вина од целиот свет е огромен успех кој покажува дека се работи за вино со исклучителен квалитет. Многу е мал процентот на вина што добиваат ваква награда, особено поради тоа што очекувањата на членовите на жирито се екстремно високи и многу строги, вели Дарел Џозеф, чија специјалност се вината кои потекнуваат од Југоисточна Европа. Тој додаде дека наградата, освен за промоција на вината од „Тиквеш", треба да се искористи за пробив и промоција на квалитетните македонски вина, но за тоа потребни се финансиски средства, поддршка од државата и заедничка соработка меѓу винарниците. 

Според Џозеф, македонските вина со својот квалитет не заостануваат од вината од регионов, а за поголем пласман и промоција олеснителна околност е фактот што љубителите на вината сè повеќе сакаат да пробаат специфични сорти вино, кои со себе носат приказна и се од неоткриени делови од светот. 

Задоволни сме и горди на овој успех. Тој е резултат на нашите сериозни и долгорочни напори и вложувања во сите сегменти кои гарантираат производството на врвни, автентични вина. Верувам дека тие ќе креираат дополнителни можности за пласман на нашите вина на странските пазари, особено европските и истовремено ќе го зголемат вкупниот извозен потенцијал на индустријата, објасни генералниот директор на ВВ „Тиквеш", Радош Вукиќевиќ.  

Марко Стојаковиќ, главен енолог во „Тиквеш" истакна дека наградата е гордост и за енолошкиот тим на винарницата, кој напорно работи за обезбедување на висококвалитетно грозје, што е предуслов за добивање квалитетни вина. 

Покрај платинестиот медал за црвеното вино „Барово", награди освоија и други 12 вина, со што вкупната бројка на награди за вината на „Тиквеш" во првата половина од годината ја надмина бројката од 50 медали. 



Назад
 
 
 
 
back to top